21.11.2024 | 16:40
14 ուսուցիչ այցելել է Միջուկային հետազոտությունների եվրոպական կենտրոն
Մայա Սանդուն հաղթում է Մոլդովայի նախագահական ընտրություններում
Քաղաքականություն
04.11.2024 | 09:39
Մոլդովայի ներկայիս եվրոպամետ նախագահ Մայա Սանդուն կիրակի օրը՝ նոյեմբերի 3-ին կայացած նախագահական ընտրությունների երկրորդ փուլում հաղթում է իր հակառակորդին՝ երկրի նախկին գլխավոր դատախազ Ալեքսանդր Ստոյանոգլոյին․ գրում է DW-ի ռուսական ծառայությունը։
Նշվում է, որ Կենտրոնական ընտրական հանձնաժողովը հաշվել է ձայների 99,5 տոկոսը։
Սանդուն նախնական տվյալներով հավաքել է ձայների 55,25 տոկոսը, մինչդեռ ընդդիմադիր, ռուսամետ Սոցիալիստների կուսակցությունը ներկայացնող Ստոյանոգլոն՝ 44,75 տոկոսը։
«Մոլդովա, այսօր դուք հաղթեցիք մենք միասին ցույց տվեցինք մեր միասնության ուժը, ժողովրդավարությունը և արժանապատիվ ապագայի հանդեպ նվիրվածությունը», – գրել է Սանդուն X սոցիալական ցանցում:
Հիշեցնենք, որ առաջին փուլում Սանդուի օգտին քվեարկել էր ընտրողների 42,49%-ը, Ստոյանոգլոյի օգտին՝ 25,95%-ը։ Միաժամանակ, երկրում անցկացվել էր եվրաինտեգրման հարցով հանրաքվե։ Եվրամիությանը Մոլդովայի անդամակցության օգտին քվեարկել էր ընտրողների 50,46 տոկոսը։
Մոլդովայի ԿԸՀ-ն հաստատել է նախագահական ընտրությունների արդյունքները
