03.04.2026 | 23:13
NASA-ն հրապարակել է Երկրի նոր լուսանկարը
Մոլդովայի ԿԸՀ-ն հաստատել է նախագահական ընտրությունների արդյունքները
Քաղաքականություն
23.10.2024 | 21:16
Մոլդովայի Կենտրոնական ընտրական հանձնաժողովը (ԿԸՀ) հաստատել է հոկտեմբերի 20-ին անցկացված նախագահական ընտրությունների արդյունքները։ Գործող նախագահ Մայա Սանդուն և նախկին գլխավոր դատախազ Ալեքսանդր Ստոյանոգլոն կանցնեն երկրորդ փուլ։
Առաջին փուլում, ըստ ԿԸՀ-ի հաղորդագրության, Սանդուի օգտին քվեարկել է ընտրողների 42,49%-ը, Ստոյանոգլոյի օգտին՝ 25,95%-ը։ Երկրորդ փուլը նախատեսված է նոյեմբերի 3-ին։
«Երկրորդ փուլում քվեարկությունն անցկացվելու է նույն ընտրացուցակների հիման վրա, որոնք օգտագործվել են քվեարկության առաջին փուլում»,- ասվում է գերատեսչության հաղորդագրության մեջ։
Մոլդովայի ԿԸՀ-ի տվյալներով՝ առաջին փուլում քվեարկել է ավելի քան 1,5 մլն մարդ։
Միաժամանակ, երկրում անցկացվել է եվրաինտեգրման հարցով հանրաքվե։ Եվրամիությանը Մոլդովայի անդամակցության օգտին քվեարկել է ընտրողների 50,46 տոկոսը։
Թարգմանությունը՝ Տաթև Ֆռանգյանի
