21.11.2024 | 21:58
Երևանում և 7 մարզում էլեկտրաէներգիայի անջատումներ կլինեն
Հարձակումը հաջողությամբ կասեցվել է․ Իրանի ՀՕՊ ուժեր
Քաղաքականություն
26.10.2024 | 11:17
Իրանի հակաօդային պաշտպանության ուժերը հայտարարություն են տարածել, որ շաբաթ գիշերը Իսրայելը հարձակվել է Թեհրանի, Խուզեստանի և Իլամ նահանգների մի շարք ռազմական կենտրոնների վրա՝ հավելելով, որ սահմանափակ վնասներ են հասցվել․ գրում է Irna-ն։
«Չնայած Իսլամական Հանրապետության պաշտոնյաների կողմից Սիոնիստական ռեժիմին ուղղված նախկին զգուշացումներին՝ խուսափելու արկածախնդիր գործողություններից, այսօր առավոտյան ռեժիմը հարձակվել է Թեհրանի, Խուզեստանի և Իլամի նահանգների ռազմական կենտրոնների վրա»,- ասվում է հայտարարության մեջ։
Նշվում է, որ հարձակումը հաջողությամբ կասեցվել և հետ է մղվել երկրի հակաօդային պաշտպանության համակարգի կողմից։
«Որոշ վայրերում սահմանափակ վնաս է հասցվել: Միջադեպի չափը հետաքննվում է»,- ասվում է փաստաթղթում:
Ավելի վաղ տեղեկացրել էինք՝ Իսրայելի Պաշտպանության բանակը` Ցահալը, հոկտեմբերի 26-ին հայտարարել է Իրանում ռազմական օբյեկտների վրա պատասխան հարձակման մասին։
Իսրայելական բանակը հարվածներ է հասցրել Իրանում գտնվող ռազմական օբյեկտներին
Իսկ ԱՄՆ վարչակազմի բարձրաստիճան պաշտոնյան Իսրայելի հարվածներն Իրանին անվանել էր «լայնածավալ», «ճշգրիտ» և ուղղված են ռազմական թիրախներին։ Նա ընդգծել էր, որ ԱՄՆ-ն այդ գործողությունը համարում է «Իսրայելի և Իրանի միջև փոխհրաձգության ավարտ։ Սրանով պետք է ավարտվի Իսրայելի և Իրանի միջև ռազմական փոխհրաձգությունը»։
