23.11.2024 | 13:14
Անահիտ Ավանեսյանը այցելել է «Հանրապետական շտապօգնության ծառայության» Շիրակի մարզային կայան
Իսրայելի հարվածներն Իրանին «լայնածավալ են», «ճշգրիտ» և ուղղված են ռազմական թիրախներին. ԱՄՆ վարչակազմի բարձրաստիճան պաշտոնյա
Քաղաքականություն
26.10.2024 | 11:00
Լուսանկարը՝ Reuters-ի
ԱՄՆ-ը չի մասնակցել Իրանի հարվածներին, սակայն աշխատել է Իսրայելի կառավարության հետ՝ խրախուսելու ցածր ռիսկային հարձակումը, որը չի վնասի քաղաքացիական անձանց․ ուրբաթ ուշ երեկոյան ասել է ԱՄՆ վարչակազմի բարձրաստիճան պաշտոնյան` Ջոնաթան Երուշալմին. գրում է The Guardian-ը։
Պաշտոնյան հարվածները բնութագրել է որպես «լայնածավալ», «ճշգրիտ» և Իրանի ողջ տարածքում գտնվող ռազմական թիրախների դեմ:
«Այն համաչափ ինքնապաշտպանական պատասխան է: Նպատակը՝ ապագա հարձակումները զսպելն է և ապագա հարձակումներ իրականացնելու Իրանի կարողությունները նսեմացնելը»,- ասել է ԱՄՆ վարչակազմի պաշտոնյան։
Երուշալմին ընդգծել է, որ ԱՄՆ-ն այդ գործողությունը համարում է «Իսրայելի և Իրանի միջև փոխհրաձգության ավարտ։ Սրանով պետք է ավարտվի Իսրայելի և Իրանի միջև ռազմական փոխհրաձգությունը»։
Ավելի վաղ տեղեկացրել էինք՝ Իսրայելի Պաշտպանության բանակը` Ցահալը, հոկտեմբերի 26-ին հայտարարել է Իրանում ռազմական օբյեկտների վրա պատասխան հարձակման մասին։
Իսրայելական բանակը հարվածներ է հասցրել Իրանում գտնվող ռազմական օբյեկտներին
Թարգմանությունը՝ Անահիտ Խաչատրյանի
