Ազատ գյուղի զինվորական կացարանի հրդեհի գործով Գոռ Աղեկյանի և Մառլեն Սարգսյանի նկատմամբ խափանման միջոց է ընտրվել կալանքը

Լուրեր

15.04.2025 | 10:25
Արտարժույթների փոխարժեքները՝ ապրիլի 15-ի դրությամբ
15.04.2025 | 10:10
Լարս ավտոճանապարհը փակ է բոլոր տեսակի տրանսպորտային միջոցների համար
15.04.2025 | 10:00
Նիկոլ Փաշինյանն ԱԺ-ում մասնակցում է Կառավարության ծրագրի կատարողականի քննարկմանը. ՈՒՂԻՂ
15.04.2025 | 09:50
2025 թ․ հուլիսի 1-2-ին Հայաստանում միջազգային բարձրաստիճան խորհրդաժողով կանցկացվի․ ԵԽ-ն վերահաստատել է իր աջակցությունը
15.04.2025 | 09:48
Բողոքի ակցիա ԱԺ շենքի դիմաց. ՈւՂԻՂ
15.04.2025 | 09:45
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ
15.04.2025 | 09:30
Ձյուն, մառախուղ․ ՀՀ տարածքում փակ և դժվարանցանելի ճանապարհներ կան
14.04.2025 | 23:30
Թուրքիայի ընդդիմությունը հայտարարել է արտահերթ ընտրությունների, Ստամբուլի քաղաքապետի ազատ արձակման համար ավելի քան 10 մլն ստորագրություն հավաքելու մասին
14.04.2025 | 23:15
Հայաստանի տափօղակով հոկեյի հավաքականը երկրորդ անընդմեջ հաղթանակն է տարել
14.04.2025 | 23:03
Երգչուհի Քեթի Փերին, Ջեֆ Բեզոսի հարսնացուն և բացառապես կանանցից բաղկացած տիեզերական անձնակազմը վերադարձել են Երկիր. ՏԵՍԱՆՅՈՒԹ
14.04.2025 | 22:53
Վալոդյա Գրիգորյանը` Փարաքարի համայնքապետ. Լյուդվիգ Գյուլնազարյանը և Դավիթ Մինասյանը մանդատներ են ստացել
14.04.2025 | 22:50
Երևանում և 8 մարզում էլեկտրաէներգիայի անջատումներ կլինեն
14.04.2025 | 22:37
ԵԽ գլխավոր քարտուղարը մտահոգություն է հայտնել Ստամբուլի քաղաքապետի կալանավորումից հետո Թուրքիայում ստեղծված իրավիճակի կապակցությամբ
14.04.2025 | 22:23
Ստորագրվել է Երևան-Լիոն-Լիոնի մետրոպոլիա եռամյա համագործակցության համաձայնագիր
14.04.2025 | 22:08
Ադրբեջանցի հայտնի ակտիվիստը Բաքվի բանտից խնդրանքով դիմել է Նիկոլ Փաշինյանին
Բոլորը

Ազատ գյուղի զինվորական կացարանում զոհված 15 զինծառայողների գործով օգոստոսի 23-ին կայացած դատական նիստում ՀՀ Գեղարքունիքի մարզի առաջին ատյանի ընդհանուր իրավասության դատարանի որոշմամբ նույն քրեական վարույթով մեղադրյալներ Գոռ Աղեկյանի և Մառլեն Սարգսյանի վերաբերյալ ընտրված խափանման միջոց կալանքը փոփոխվել և նրանց նկատմամբ ընտրվել էր 3 ամիս ժամկետով տնային կալանք և բացակայելու արգելք այլընտրանքային խափանման միջոցները։

Փաստաբան Նորիկ Նորիկյանը տեղեկացնում է, որ ՀՀ վերաքննիչ քրեական դատարանի հոկտեմբերի 7-ի և 11-ի որոշումներով տուժողների լիազոր ներկայացուցչի և հանրային մեղադրողի կողմից բերված հատուկ վերանայման բողոքներն ամբողջությամբ բավարարվել են, ՀՀ Գեղարքունիքի մարզի առաջին ատյանի ընդհանուր իրավասության դատարանի կողմից կայացված որոշումները բեկանվել են, և քրեական վարույթով մեղադրյալներ Գոռ Աղեկյանի և Մառլեն Սարգսյանի նկատմամբ կրկին անգամ որպես խափանման միջոց ընտրվել է կալանքը:

Հիշեցնենք, որ 2023 թ. հունվարի 19-ին՝ ժամը 01:30-ի, սահմաններում Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհվել է 15 ժամկետային զինծառայող, 7 զինծառայող տեղափոխվել է Վարդենիսի հոսպիտալ, նրանից չորսը բուժօգնություն ստանալուց հետո դուրս է գրվել, 3-ը՝ ծանր վնասվածքներով տեղափոխվել Երևան՝ Այրվածքաբանության ազգային կենտրոն։ Դեպքից անմիջապես հետո պաշտոններից ազատվել են 2-րդ բանակային կորպուսի հրամանատարը և ևս 7 բարձրաստիճան զինվորականներ։

Ողբերգությունից ժամեր անց Նիկոլ Փաշինյանը կառավարության նիստում ներկայացրեց պաշտոնական վարկածը, ըստ որի՝ սպան բենզին է լցրել վառարանի վրա, ինչից հետո, երբ կրակն իրեն է անցել, «ինքնապաշտպանական բնազդով» բենզինի 5 լիտրանոց տարան նետել է կացարանի ուղղությամբ, ինչն էլ հրդեհի պատճառ է դարձել։

Նախաձեռնվել է քրեական վարույթ՝ ՀՀ ՔՕ 532-րդ հոդվածի 4-րդ մասով (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու և ավելի անձի մահ), և վարույթ՝ ՔՕ 550-րդ հոդվածի 3-րդ մասով (զինվորական պաշտոնեական անփութության հատկանիշներով, որն անզգուշությամբ առաջացրել է մարդու մահ), որը կցվել է մայր վարույթին։ Զոհերի ծնողները չեն հավատում պաշտոնական վարկածին: Նրանք կարծում են, որ կատարվածը դիտավորություն է եղել, և, որ տղաները մահացած են եղել նախքան հրդեհը։ Նրանցից ոմանք պատմում են տղաների և սպաների միջև եղած լարված հարաբերությունների մասին։