06.10.2026 | 21:30
Գերմանիայի ԱԳ նախարարը զգուշացրել է Վրաստանի, Մոլդովայի և Բալթյան երկրների համար Ռուսաստանի սպառնալիքի մասին
Հիվանդանոցում մահացել է Վեդիի դպրոցում վնասվածքներ ստացած 9-ամյա աշակերտուհին
Հասարակություն
28.09.2024 | 14:45
Այսօր Երևանի «Սուրբ Աստվածամայր» բժշկական կենտրոնում, գիտակցության չգալով, մահացել է Արարատի մարզի բնակիչ, Վեդիի թիվ 2 դպրոցի աշակերտուհին, այս մասին Factor.am-ին հայտնեցին բժշկական կենտրոնից:
Հիվանդանոցից նաև տեղեկացրին, որ նախնական ախտորոշմամբ երեխայի մոտ առկա վնասվածքների պատճառով զարգացել է պոլիօրգան անբավարարություն, առաջացել է շնչառական անբավարարություն երրորդ աստիճան, ԹԱՇ վիճակ` ինչն էլ դարձել է մահվան պատճառ:
ԲԿ-ից փոխանցեցին, որ դիակն ուղարկվել է դատաբժշկական փորձաքննության, իսկ մահվան պատճառի վերջնական եզրակացությունը կլինի փորձաքննության ավարտից հետո:
Հիշեցնենք, որ սեպտեմբերի 19-ից 9-ամյա աղջիկը գտնվում էր վերակենդանացման բաժանմունքում՝ կոմայի մեջ։ Դպրոցի տնօրեն Նոնա Անդրեասյանը Factor.am-ին ասել էր, որ աշակերտուհին, ենթադրաբար, ընկել է դպրոցի երկրորդ հարկի աստիճանահարթակից:
Մանյա Պողոսյան
