03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Իրանի համար անընդունելի է ՌԴ միջամտությունն Ադրբեջանի և Հայաստանի գործերին․ պատգամավոր
Քաղաքականություն
15.09.2024 | 20:27
Իրանի խորհրդարանի Ազգային անվտանգության և արտաքին քաղաքականության հանձնաժողովի անդամը քննադատել է «Զանգեզուրի միջանցքի» վերաբերյալ Ռուսաստանի դիրքորոշումը՝ ասելով, որ դրա վերաբերյալ Ռուսաստանի պնդումներն անընդունելի են. հաղորդում է Mehr-ը։
Կիրակի օրը խորհրդարանի դռնբաց նիստում Ֆադա Հոսեյն Մալեքին ասել է, որ ռուս պաշտոնյաները վերջերս հայտարարություն են արել «Զանգեզուրի միջանցքի» վերաբերյալ, և այդ հարցը ընդունելի չէ Իրանի ժողովրդի և խորհրդարանի համար, ուստի ԱԳՆ-ն այս կապակցությամբ պետք է կոշտ նախազգուշացում տա ռուսական կողմին։
Նա հիշեցրել է, որ Իրանը մեղադրվում է ուկրաինական պատերազմում Ռուսաստանի կողքին լինելու մեջ, մինչդեռ ռուսները Իրանի երեք կղզիները (Մեծ և Փոքր Թոմբերը և Աբու Մուսան) համարում են Արաբական Միացյալ Էմիրություններինը (ԱՄԷ) և պնդումներ անում «Զանգեզուրի միջանցքի» վերաբերյալ, որոնք անընդունելի են Իրանի համար։
Բացի այդ, Ռուսաստանը միջամտել է Ադրբեջանի և Հայաստանի գործերին, ինչը Իրանի համար անընդունելի է, և նրանք պետք է զգուշացվեն, հավելել է Ազգային անվտանգության և արտաքին քաղաքականության խորհրդարանական հանձնաժողովի անդամը։
