22.11.2024 | 14:41
Բաքուն ՀՀ-ի հետ սահմանազատված գյուղերում հսկման տեսախցիկներ է տեղադրել
Telegram-ը սկսել են ավելի շատ ներբեռնել Դուրովի ձերբակալությունից հետո
Քաղաքականություն
27.08.2024 | 13:20
Telegram մեսենջերի հանրաճանաչությունը մեծացել է այն բանից հետո, երբ նրա հիմնադիր Պավել Դուրովը կալանավորվել է Ֆրանսիայում։ Աշխարհում iOS սարքերով Telegram-ի ներբեռնումների թիվն ավելացել է օրական 4 տոկոսով։ Այս մասին գրում է TechCrunch-ը, փոխանցում է DW-ի ռուսական ծառայությունը։
Ֆրանսիայում Դուրովի մեսենջերը երկուշաբթի զբաղեցրել է առաջին տեղը App Store-ում ներբեռնումների քանակով և դարձել է երրորդը հավելվածների ընդհանուր վարկանիշում: Apple-ի գաջեթների հավելվածների ամերիկյան առցանց խանութում Telegram-ը օգոստոսի 26-ին որոշ ժամանակ երկրորդն է եղել սոցցանցերի կատեգորիայում, բայց հետո իջել է երրորդ հորիզոնական:
App Store-ի լավագույն հավելվածների վարկանիշում (չի ներառում խաղերը) մեսենջերը ԱՄՆ-ում հանրաճանաչության առումով 18-րդ տեղից բարձրացել է 8-րդ հորիզոնական, հայտնում է Appfigures-ը։ Այս վարկանիշը որոշվում է ոչ միայն տեղադրումների քանակով, այլև ներբեռնման արագությամբ, ինչպես նաև որոշ այլ գործոններով։
