11.08.2026 | 18:30
Սպասվում է անձրև և ամպրոպ. առաջիկա օրերի եղանակի կանխատեսումը
Սերժ Սարգսյանի եղբոր որդին առողջական խնդիրներ ունի, որոնց մասին չի ցանկանում բարձրաձայնել
Հասարակություն
07.09.2018 | 16:04
Երևանի ընդհանուր իրավասության դատարանի Շենգավիթի նստավայրում կայացավ Հայաստանի պաշտոնաթող նախագահ Սերժ Սարգսյանի եղբոր որդու` Հայկ Սարգսյանի գործով նախնական դատական նիստը:
Նախագահող դատավորն է Աննա Դանիբեկյանը: Նիստի մեկնարկին պաշտպանական կողմը հայտարարեց, որ իրենց անհրաժեշտ են փաստաթղթեր, որոնք կվկայեն, թե դատավորի ընտրությունը կատարվել է համակարգչային ծրագրի միջոցով։
«Մենք այս գործի հետ կապված վերապահումներ ունենք, և դատավորների ընտրությունն էլ կասկածի տեղիք է տալիս»,-նշեց փաստաբանը:
Հայկ Սարգսյանն ասաց, որ ինքն առողջական խնդիրներ ունի, բայց թե ինչպիսի՝ բարձրաձայնել չցանկացավ, նա նաև նշեց, որ իր խնամքին ունի անչափահաս երեխա:
Քրեական գործի նյութերին ծանոթանալու համար այս պահին դատական նիստը հինգ րոպեով ընդմիջվեց:
Նշենք, որ Հայկ Սարգսյանին մեղադրանք էր առաջադրվել սպանության փորձ կատարելու, ապօրինի կերպով հրազեն և ռազմամթերք ձեռք բերելու ու պահելու համար:
