19.07.2026 | 20:30
Շարժվիր, թե կարող ես․ Երևանում խցանումների ու երթևեկության քաոսի ՇԵՐՏԵՐԸ․ ՏԵՍԱՆՅՈՒԹ
Ռուսաստանի ՊՆ-ն հայտնել է Սև ծովի վրա 5 ԱԹՍ որսալու մասին
Քաղաքականություն
16.08.2024 | 10:27
Ռուսաստանի պաշտպանության նախարարությունը հայտնել է, որ Սև ծովի երկնքում հինգ ինքնաթիռային տիպի անօդաչու թռչող սարք է որսացել, գրում է Current Time-ը։ Գերատեսչության տվյալներով, նաև ոչնչացվել է Ղրիմի թերակղզու ուղղությամբ ընթացող երկու անօդաչու նավակ։
«Կռիմսկի վետերը» հայտնում է պայթյունների մասին Սևաստոպոլում, Կերչում և Չեռնոմորսկոյում։ Ալիքը հրապարակել է նաև Կերչում ենթադրաբար պայթյուններին հաջորդած հրդեհի լուսանկարները։ Ռուսաստանի կողմից անեքսիայի ենթարկված Սևաստոպոլի ղեկավար Միխայիլ Ռազվոժաևը հայտարարել է, որ հակաօդային պաշտպանության համակարգերը հետ են մղել Ուկրաինայի զինված ուժերի հարձակումը։
«Նախնական տեղեկություններով՝ զինվորականները ջրային տարածքի վրա ոչնչացրել են երեք անօդաչու թռչող սարք, ըստ Սևաստոպոլի փրկարար ծառայության՝ քաղաքում ոչ մի քաղաքացիական օբյեկտ չի տուժել»,- գրել է նա։
Ուկրաինական կամավորական «Հարավ» բանակի խոսնակ Սերգեյ Բրատչուկը հայտնել է, որ, ըստ նախնական տեղեկությունների, Կերչի նավահանգստում խոցվել է լաստանավային անցում, իսկ Չեռնոմորսկոյեում՝ նավակ։ Այս տեղեկությունը պաշտոնապես չի հաստատվել։
