27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
Թեհրանում ոչնչացրել են չորս օտարերկրացիների պատանդ վերցրած հանցագործներին
Քաղաքականություն
15.08.2024 | 14:07
Իրանի ոստիկանությունը վնասազերծել է երեք հարձակվողի, ովքեր Թեհրանում չորս օտարերկրացիների պատանդ են վերցրել։ Այս մասին հայտնում է Իսլամական Հանրապետության մայրաքաղաքի իրավապահ ուժերի մամուլի ծառայությունը, փոխանցում է ISNA գործակալությունը։
«Ոստիկանությունը, իմանալով չորս օտարերկրյա քաղաքացիների պատանդ վերցնելու մասին, անմիջապես ձեռնարկել է գործողություն և արագորեն պարզել հանցագործների գտնվելու վայրը։ Ոստիկաններին հաջողվել է ոչնչացնել պատանդառուներից երեքին, պատանդներն ազատ են արձակվել»,- նշել են իրավապահ կառույցում։
Թեհրանի ոստիկանության հետաքննչական բաժանմունքի տնօրեն Ալի Վալիպուր Գուդարզին պարզաբանել է, որ պատանդառվածները Տաջիկստանի քաղաքացիներ են, որոնց ծառայությունների համար դիմել են «մարդկանց առևտրով զբաղվողներին»։ Տաջիկները ցանկացել են ապօրինի մուտք գործել եվրոպական երկրների տարածք, այնտեղից էլ արտագաղթել ԱՄՆ։
Հանցագործները, Եվրոպա տեղափոխելու փոխարեն, նրանց պատանդ են վերցրել ու հսկայական փրկագին պահանջել։ Գործով հինգ մարդ է բերման ենթարկվել, երկու չարագործներ տեղում սպանվել են, մանրամասնել է Գուդարզին։
World Population Review վիճակագրական կազմակերպության տվյալներով՝ 2024 թվականին Իրանը ներառվել է հանցավորության ամենաբարձր մակարդակ ունեցող 60 երկրների ցանկում։ Իսլամական Հանրապետությունում այս ցուցանիշը 49,8 է, այն արտացոլում է երկրի 100 հազար բնակչի հաշվով կատարված ցանկացած տեսակի հանցագործությունների թիվը։
