22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգեցին դատարանի առաջ.ՄԻԵԴ վճիռն անտեսվեց. ՏԵՍԱՆՅՈՒԹ
Հյուսիս-հարավի Տրանշ-2-ի Ագարակի հնավայրը շրջանցող մոտ 8կմ երկարությամբ ճանապարհի կոմունիկացիաների տեղափոխման աշխատանքներն ընթացքի մեջ են
Հասարակություն
15.08.2024 | 10:33
Ընթացքի մեջ են Հյուսիս-հարավի Տրանշ-2-ի Ագարակի հնավայրը շրջանցող մոտ 8կմ երկարությամբ ճանապարհի կոմունիկացիաների տեղափոխման, հողային, փոխհատման կամրջի հիմքերի բետոնացման և երկաթբետոնե հեծանների տեղադրման աշխատանքները: Այս մասին հայտնում է ՀՀ Ճանապարհային դեպարտամենտը:
Ավարտվել են սևահողի շերտի հեռացման աշխատանքները: Ավարտական փուլում է հողային աշխատանքների հիմնական մասը։ Ավարտվել են կմ36+000-կմ37+002 հատվածի 1կմ երկարությամբ շրջանցիկ ճանապարհի կառուցման աշխատանքները, ինչի արդյունքում Մ-1 գործող ճանապարհի երթևեկությունը ժամանակավորապես տեղափոխվել է` գործող ճանապարհահատվածում նոր ճանապարհի լիցքի աշխատանքների նպատակով:
Իրականացված հանույթի ծավալը շուրջ 836.765 մ3 է (65.5%), լիցքի ծավալը` 729.000 մ3 (81.63%): Ընդհանուր 31 արհեստական կառուցվածքներից 29-ն ամբողջովին կամ 65%-ից ավելի կառուցված են։ Իրականացված է բետոնացման աշխատանքների 65%-ը։
Ակտիվ շինարարական աշխատանքներ են ընթանում Ագարակ-Ոսկեվազ ճանապարհային հանգույցի տարածքում, բետոնացվում են կամրջի հիմքերը։ Ծրագրի վերջին 1,4կմ հատվածում կատարվում են ասֆալտապատման և հիմքի շերտի տեղադրման աշխատանքներ։
