25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
«Ես եմ» և «Պատիվ ունեմ» ծրագրերի հանրային քննարկումները շարունակվում են
Հասարակություն
11.07.2017 | 22:29
«Ես եմ» և «Պատիվ ունեմ» ծրագրերի հանրային քննարկումների շրջանակում հուլիսի 11-ին պաշտպանության նախարարն ընդունել է փոքր և միջին բիզնեսի խթանմամբ զբաղվող հասարակական կազմակերպությունների, վենչուրային հիմնադրամների և գործարար շրջանակների ներկայացուցիչների։
Վիգեն Սարգսյանը քննարկման մասնակիցներին ներկայացրել է առաջարկվող ծրագրերի բովանդակությունը և դրանց ընձեռած հնարավորությունները։
Պաշտպանության նախարարը կարևորել է հանդիպումը, նշելով, որ ակնկալում է գործուն առաջարկներ՝ ծրագրերի շրջանակում նախատեսվող բիզնես բաղադրիչի արդյունավետ իրացման համար։
Հանդիպման մասնակիցները ողջունել են առաջարկվող ծրագրերը և սեփական պատկերացումները ներկայացրել՝ առաջադրված խնդիրների լուծման վերաբերյալ։
Պաշտպանության նախարարը պատասխանել է ներկաների հարցերին, վստահեցնելով, որ նախագծերի վերջնական տարբերակը կազմելիս հաշվի կառնվեն նաև նրանց առաջարկները։ Վիգեն Սարգսյանը քննարկման մասնակիցներին տեղեկացրել է, որ ծրագրերի հանրային լսումները առաջիկա օրերին կավարտվեն, ինչից հետո կներկայացվեն կառավարություն, այնուհետև խորհրդարան։Այս մասին տեղեկացնում է ՀՀ ՊՆ տեղեկատվության եւ հասարակայնության հետ կապերի վարչությունը:
