25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
Ադրբեջանի ՊՆ-ն ապատեղեկատվություն է տարածել․ ՀՀ ՊՆ
Քաղաքականություն
29.07.2024 | 10:48
Ադրբեջանի պաշտպանության նախարարության տարածած հաղորդագրությունը, թե իբր հուլիսի 28-ին՝ ժամը 17:40-ի սահմաններում, ՀՀ ԶՈՒ-ին պատկանող կվադրոկոպտերը հետախուզական թռիչքներ է իրականացրել սահմանագոտու հարավարևելյան հատվածում, չի համապատասխանում իրականությանը:
Այս մասին հաղորդագրություն է տարածել ՀՀ ՊՆ-ն։
Ադրբեջանի ՊՆ-ն հայտարարություն էր տարածել, թե, իբր, կվադրոկոպտերը փորձել է հետախուզական թռիչքներ իրականացնել ադրբեջանական բանակի Բերձորի ուղղությամբ տեղակայված դիրքերի վրա։
Հիշեցնենք, որ օրեր առաջ Ադրբեջան ՊՆ-ն մեկ այլ նման ապատեղեկատվություն էր տարածել Թովուզի շրջանի ուղղությամբ կվադրոկոպտեր որսալու մասին, որից հետո ադրբեջանական ռազմական գերատեսչությունը սպառնալիքներով լի հայտարարություն էր տարածել ուղղված Հայաստանին ու նրա ռազմական գործընկերներին։
