12.03.2026 | 15:50
ԱՄՆ հետախուզությունն Իրանում ռեժիմի փլուզման նշաններ չի տեսնում գրեթե երկու շաբաթ տևող հարվածներից հետո. Reuters
ՀՀ-ում Իրանի դեսպանը հերքել է Թեհրանի և Երևանի միջև ռազմական պայմանագրի մասին լուրը
Քաղաքականություն
26.07.2024 | 10:39
Հայաստանում Իրանի Իսլամական Հանրապետության դեսպանը հերքել է Իրանի և Հայաստանի միջև ռազմական պայմանագրի մասին լուրերը։
Mehr News- գործակալության փոխանցմամբ՝ Մեհդի Սոբհանին նման լուրերի աղբյուր է համարել ոչ հավաստի լրատվամիջոցները, որոնք կեղծ տեղեկություններ հրապարակելու և Իրանի Իսլամական Հանրապետության մասին կանխակալ վերլուծությունների տևական փորձ ունեն։
Դիվանագետի գնահատմամբ՝ նման լուրերի հրապարակման նպատակը Իրանի և տարածաշրջանի երկրների միջև բարեկամական հարաբերությունների զարգացման վրա ազդելն է:
Նա ընդգծել է, որ Իրանի Իսլամական Հանրապետությունը աջակցում է կովկասյան տարածաշրջանում խաղաղության և կայունության հաստատմանը, ինչպես նաև տնտեսական զարգացմանը։
Հիշեցնենք՝ երեկ «Iran International» կայքը գրել էր, որ Հայաստանն ու Իրանը 500 միլիոն դոլարի սպառազինության ձեռքբերման գաղտնի պայմանագիր են ստորագրել։ Իսկ ՀՀ ՊՆ խոսնակ Արամ Թորոսյան՝ մեկնաբանելով Factor.am-ի հարցը նշել էր․ «Մտացածին, հորինված բովանդակությամբ հրապարակումներին չենք արձագանքում»։
