06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
ԵՄ-ին անդամակցելու հարցով հանդիպել ենք Արմեն Գրիգորյանին, բայց երկրորդ «ռաունդը» տեղի չունեցավ․ Արամ Սարգսյան
Քաղաքականություն
22.07.2024 | 13:23
«Երբ Հայաստանի արտաքին գործերի նախարար Արարատ Միրզոյանը հայտարարեց, որ Բաքվում կայանալիք COP 29 համաժողովից հետո կարող է սահմաններին նորից խժդժություն սկսվել, մտածեցինք՝ նման պարագայում մենք արտաքին քաղաքական ինչ լծակներ ունենք դա ինչ-որ կերպ մեղմելու համար։ Եվ այդ առումով առաջարկեցինք մեր անվտանգության բազան ավելացնել նաև ԵՄ-ին անդամակցելու հայտ ներկայացնելով»,- այս մասին «Ժողովրդավարական ուժերի հարթակ»-ի հրավիրած ասուլիսին ասաց «Հանրապետություն» կուսակցության նախագահ Արամ Սարգսյանը՝ ներկայացնելով իրենց գաղափարի նպատակը։
Նա կարևորեց այն հանգամանքը, որ իշխող ուժը չի մերժել իրենց գաղափարը։ Արամ Սարգսյանի փոխանցմամբ՝ իրենք ԵՄ-ին Հայաստանի անդամակցության հայտ ներկայացնելու հարցով հանդիպել են Անվտանգության խորհրդի քարտուղար Արմեն Գրիգորյանի հետ։
«Հանրապետություն» կուսակցության նախագահի փոխանցամբ՝ Արմեն Գրիգորյանի հետ հանդիպումը բավականին բարդ է անցել։
«Ասաց, որ արգումենտները, որոնք բերվում են համոզիչ են, սա համարենք առաջին ռաունդ։ Կտեղակացնի իր քաղաքական թիմին, որից հետո մեկ շաբաթից տեղի կունենա երկրորդ ռաունդը, բայց այդ երկրորդ ռաունդը տեղի չունեցավ»,- մանրամասնեց Արամ Սարգսյանը։
