01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Վարդաշատ գյուղում բեռնատարը գլորվել է ձորը. կա տուժած
22.07.2024 | 14:05
Հուլիսի 22-ին՝ ժամը 07:35-ին, Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
ՆԳՆ ՓԾ-ից տեղեկացնում են՝ պարզվել է, որ Երևան-Մեղրի ավտոճանապարհի 82-րդ կմ-ին՝ Վարդաշատ գյուղում, Iveco մակնիշի կցորդիչով բեռնատարը (վարորդ՝ Հ. Տ.) դուրս է եկել ճանապարհի երթևեկելի հատվածից, բախվել երկաթբետոնե արգելապատնեշին և գլորվել ձորը (մոտ 180 մետր)․ առկա է վառելիքի արտահոսք։
Փրկարարները վարորդին դուրս են բերել բեռնատարից և մոտեցրել շտապօգնության ավտոմեքենային, վերջինս հոսպիտալացվել է բժշկական կենտրոն:
Փրկարարները հոսանքազրկել են բեռնատարը և դադարեցրել վառելիքի արտահոսքը։
