22.02.2026 | 17:28
Խոսակցություններ են տարածվում, որ մարտի 1-ից սկսած կանխիկ վճարումն ընդհանրապես արգելվելու է․ Բաբկեն Թունյանը պարզաբանում է
Տղամարդու փախուստի փորձը կանխվել է, ատրճանակը հայտնաբերվել է
Հասարակություն
22.07.2024 | 14:20
Հուլիսի 19-ի ժամը 21.09-ին ՆԳՆ ոստիկանության Լոռու մարզային վարչությունում օպերատիվ տեղեկություններ էին ստացվել, որ մի տղամարդ մոտը զենք է պահում և այդ պահին Վարդանանց փողոցի մարզադպրոցի մոտակայքում է:Օպերատիվ տեղեկություններն իրացնելով՝ իրավապահները ժամը 21.20-ին Վարդանանց փողոցում հայտնաբերել են նրան:
Իրավապահներին տեսնելով՝ տղամարդը փորձել է դիմել փախուստի, ինչը կանխվել է: Այդ ընթացքում նա ցուցաբերել է դիմադրություն՝ գոտկատեղից գետնին գցելով ատրճանակը: Ոստիկանները հատուկ հնարքներ կիրառելով՝ նրան ձերբակալել և տեղափոխվել են ոստիկանության Տարոնի բաժին: Դեպքի վայրում ատրճանակը հայտնաբերվել է: Բաժնում պարզվել է, որ ատրճանակի փամփշտատուփում կա 7,65 մմ տրամաչափի 6 փամփուշտ:
Վանաձոր քաղաքի բնակիչ 40-ամյա տղամարդը և կազմված փաստաթղթերը ներկայացվել են Լոռու մարզային քննչական վարչություն:
`
