21.01.2026 | 23:30
Ինչ իրավիճակ է Հայաստանի ճանապարհներին և Լարսում
Ռոբերտ Քոչարյանի նկատմամբ խափանման միջոց է ընտրվել ստորագրությունը չհեռանալու մասին. ՀՔԾ
Հասարակություն
04.09.2018 | 18:28
Հատուկ քննչական ծառայությունն այսօր որոշում է կայացրել ՀՀ երկրորդ նախագահ Ռոբերտ Քոչարյանի նկատմամբ որպես խափանման միջոց ընտրել ստորագրությունը չհեռանալու մասին: Այս մասին Factor.am-ին փոխանցեց ՀՔԾ խոսնակ Մարինա Օհանջանյանը։ Իսկ, թե ինչով է դա պայմանավորված՝ չասաց, նշելով, որ այլ մանրամասներ հաղորդել չի կարող:
Նշենք, որ Factor.am-ի հետ զրույցում 2-րդ նախագահի պաշտպաններից Արամ Օրբելյանն ասել էր. «Այո՛, նա պատրաստվում է մեկնել Մյունխեն բուժզննության նպատակով, ու թեև այդ մասին տեղյակ ենք պահել քննչական մարմնին, սակայն սահմանը հատելու ժամանակ կարող են առաջանալ խնդիրներ՝ կապված նրա դիվանագիտական անձնագրի հետ։ Այս պահին փորձում ենք դրանք ճշտել, կարգավորել, որպեսզի չստացվի այնպես, որ երկրից դուրս գալու ժամանակ սահմանապահների հետ հարցեր առաջանան»։
Հիշեցնենք, որ Ռոբերտ Քոչարյանը «Մարտի 1-ի» քրեական գործով մեղադրվում է սահմանադրական կարգը տապալելու մեջ: Հուլիսի 27-ին Երևանի ընդհանուր իրավասության դատարանը նրա նկատմամբ խափանման միջոց էր ընտրել կալանավորումը: Օգոստոսի 13-ին Վերաքննիչ դատարանը վերացրեց Առաջին ատյանի դատարանի որոշումը և Քոչարյանին ազատ արձակեց:
