05.04.2026 | 15:46
Ազովի ծովում ցորենով բեռնված բեռնատար նավ է կործանվել. մեկ մարդ զոհվել է
Հակոբ Արշակյանը հանդիպել է Միջխորհրդարանական միության գլխավոր քարտուղար Մարտին Չունգոնգի հետ
Քաղաքականություն
18.07.2024 | 18:05
Նյու-Յորքում՝ ՄԱԿ-ի կենտրոնակայանում Կայուն զարգացմանը նվիրված Բարձր մակարդակի քաղաքական ֆորումի շրջանակում ՀՀ ԱԺ նախագահի տեղակալ Հակոբ Արշակյանը հանդիպել է Միջխորհրդարանական միության գլխավոր քարտուղար Մարտին Չունգոնգի հետ․ տեղեկացնում են ՀՀ ԱԺ—ից։
ԱԺ նախագահի տեղակալը ներկայացրել է տարածաշրջանային զարգացումները, առկա մարտահրավերները, ինչպես նաեւ անդրադարձել Ադրբեջանում գտնվող գերիների եւ պահվող այլ անձանց վերադարձին առնչվող խնդիրներին:
«ՀՀ-ն հավատում է, որ ուժեղ ժողովրդավարական պետությունը, որի առանցքում մարդու իրավունքներն են եւ օրենքի գերակայությունը, պետության եւ հասարակության դիմակայությունն ապահովելու խոշոր նախադրյալ է ընդդեմ բազում մարտահրավերների ու ճգնաժամերի»,- նշել է Հակոբ Արշակյանը:
Բարձր գնահատելով միջազգային գործընկերների ջանքերը Հայաստանի ու Ադրբեջանի միջեւ երկխոսությանը նպաստելու հարցում՝ ԱԺ նախագահի տեղակալն այդ առումով արժեւորել է նաեւ Մարտին Չունգոնգի գործունեությունը:
Վերջինս կիսվել է Հայաստան իր կարատած այցի լավ տպավորություններով, ինչպես նաեւ անդրադարձել սեպտեմբեր ամսին Հայաստանում անցկացվելիք Միջխորհրդարանական միության երիտասարդ պատգամավորների 10-րդ համաժողովին:
«Հայաստանի խորհրդարանն ամենաերիտասարդականն է աշխարհում, եւ ես ուրախ եմ, որ Հայաստանում է անցկացվելու Միջխորհրդարանական միության երիտասարդ պատգամավորների 10-րդ համաժողովը»,- նշել է նա:
Միջխորհրդարանական միության գլխավոր քարտուղարն աջակցություն է հայտնել Հայաստանի եւ Ադերբեջանի միջեւ խաղաղության գործընթացին եւ հավելել, որ Միջխորհրդարանական միության կողմից ջանքեր կներդնեն գործընթացը զարգանալու համար:
Հանդիպման ավարտին Մարտին Չունգոնգը նշել է, որ ՀՀ Ազգային ժողովի եւ Միջխորհրդարանական միության միջեւ համագործակցությունը քաջալերող է, հայ պատգամավորներն ակտիվորեն ներգրավված են միության տարբեր մարմինների աշխատանքներում:
