11.01.2025 | 20:13
Կրակը Գլենդելից հեռու է. քաղաքապետը մանրամասներ է ներկայացրել
ՃՏՊ Երևան-Մեղրի ավտոճանապարհին․ կա տուժած
18.07.2024 | 13:47
Հուլիսի 18-ին, ժամը 08։32-ին Վայոց ձորի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Երևան-Մեղրի ավտոճանապարհի Մալիշկա-Եղեգնաձոր ճանապարհահատվածում տեղի է ունեցել ՃՏՊ․ կան տուժածներ․ տեղեկացնում են ՆԳՆ ՓԾ-ից։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Երևան-Մեղրի ավտոճանապարհի 137-րդ կմ-ին «Opel» մակնիշի ավտոմեքենան (վարորդ՝ Վ․ Շ․, ծնված 1971թ․) դուրս է եկել ճանապարհի երթևեկելի հատվածից (մոտ 10 մետր) և շրջվել հարակից ձորակը։
Մինչ փրկարարների կանչի վայր հասնելը՝ վարորդը, ուղևորներ Լ․ Շ․-ն (ծնված 2008 թ․) և Ք․ Ե․-ն (ծնված 1977 թ.) ինքնուրույն դուրս են եկել ավտոմեքենայից։
Փրկարարները Ք․ Ե․-ին մոտեցրել են շտապօգնության ավտոմեքենային, վերջինս հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենան, այն երթևեկելի հատված դուրս բերելու համար անհրաժեշտ է հատուկ տեխնիկա:
