29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Զախարովան՝ ՀՀ-ում ՌԴ դեսպան Սերգեյ Կոպիրկինի աշխատանքի արդյունավետության մասին
Քաղաքականություն
12.07.2024 | 19:18
Հայաստանում ՌԴ դեսպան Սերգեյ Կոպիրկինի աշխատանքի արդյունավետությունը կասկածից վեր է։ Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Ինձ թվում է՝ նրա աշխատանքի արդյունավետությունը կասկածից վեր է։ Դուք դա կարող եք տեսնել միջոցառումների քանակով և օրակարգով, որի ուղղությամբ աշխատում է մեր կառույցը»,- հավելել է Զախարովան։
Նա նաև անդրադարձել է ՌԴ-ում ՀՀ դեսպան Վաղարշակ Հարությունյանի փոփոխությանը՝ նշելով, որ Մոսկվան նրա աշխատանքից նույնպես գոհ է։
«Դիվանագիտական առաքելության ղեկավարի պաշտոնում նրա գործունեությունը լիովին համապատասխանում է երկկողմ հարաբերությունների ամրապնդմանը։ Ինչ վերաբերում է Ռուսաստանում Հայաստանի դեսպանի նշանակմանը, ապա տեղեկատվությունը կներկայացվի համապատասխանաբար։ Կան ընթացակարգեր, որոնք պետք է իրականացվեն առանց հանրային քննարկման։ Վերջում անպայման կկիսվենք համապատասխան արդյունքներով»,- ասել է նա։
