16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
Ափսոսանք է առաջացնում և խաթարում է ՌԴ-ի հետ անվտանգության մեխանիզմները․ Զախարովան՝ հայ-ամերիկյան զորավարժությունների մասին
Քաղաքականություն
12.07.2024 | 18:44
Հուլիսի 15-ից 24-ը նախանշված ՀՀ-ԱՄՆ Eagle Partner զորավարժությունները խաթարում են Հայաստան-Ռուսաստան անվտանգության ոլորտում համագործակցության մեխանիզմները։Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա նշել է, որ Արևմուտքը Հայաստանին ներքաշում է Հարավային Կովկասում փոխգործակցության տարբեր ձևաչափերի մեջ, որոնք ուղղված են առաջին հերթին Ռուսաստանի դեմ։
«Այս զորավարժությունները, ափսոսանքից բացի, ոչինչ չեն առաջացնում: Դրանք տեղի են ունենալու այն ֆոնին, երբ Երևանը սառեցնում է իր մասնակցությունը ՀԱՊԿ-ում և հայտարարություններ է անում կազմակերպության հասցեին։ Ինչպիսի խաղաղ նպատակներ էլ հայտարարեն արևմտականները, հիմնական խնդիրը աշխարհաքաղաքական նախագծերի համար ցատկահարթակ ստեղծելն է։ Ամերիկացիների հայտնվելը Հարավային Կովկասում միայն կուժեղացնի հակամարտությունների ներուժը, որը պահպանվում է տարածաշրջանում, և կստեղծի նոր բաժանարար գծեր»,- ասել է Զախարովան։
Նա նշել է, որ զորավարժությունների հովանու ներքո ԱՄՆ-ը Հայաստանին պարտադրում է ՆԱՏՕ-ի զինված ուժերի չափանիշները, ինչը, ըստ Մոսկվայի ներկայացուցչի, կհանգեցնի Հայաստանի ամբողջ անվտանգության համակարգի վերաֆորմատավորմանը և արդյունքում Արևմուտքին լրացուցիչ լծակներ կտա Հայաստանի ներքին և արտաքին քաղաքականության վրա ազդելու։
«Երևանի նման քայլերը, որոնք համակարգային բնույթ են ստանում, խաթարում են այս ոլորտում փոխգործակցության հաստատված մեխանիզմների գործարկման հեռանկարները»,- հայտարարել է Զախարովան։
