15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Ցանկանում ենք, որ Հայաստանի ու Ադրբեջանի միջև խաղաղության պայմանագիրը ստորագրվի և որքան հնարավոր է շուտ․ Էրդողան
Քաղաքականություն
12.07.2024 | 12:10
Թուրքիայի նախագահ Ռեջեփ Թայիփ Էրդողանը մամուլի ասուլիս է հրավիրել Վաշինգտոնում, որտեղ նա մասնակցում է ՆԱՏՕ-ի պետությունների և կառավարությունների ղեկավարների գագաթնաժողովին։ Նա անդրադարձել է նաև Հայաստանի ու Ադրբեջանի կարգավորման գործընթացին ու խաղաղության խայմանագրի ստորագրմանը, գրում են թուրքական լրատվամիջոցները։
Հարցին, թե «հնարավո՞ր է Հայաստանի և Ադրբեջանի միջև խաղաղության պայմանագիրը ստորագրվի մինչև այս տարվա վերջ», Էրդողանն արձագանքել է․
«Հիմա որոշումը կայացնում է պարոն Իլհամը, ոչ թե՝ ես։ Մեր սիրտը ցանկանում է, որ այն ստորագրվի, և խաղաղություն տիրի Հայաստանի և Ադրբեջանի միջև։ Հայաստանի վարչապետի հետ մեր հանդիպումներում տեսնում ենք, որ այստեղ ևս դրական քայլեր են արվել։ Իմ եղբոր՝ Իլհամի հետ իմ հանդիպումներում նա նույնպես հանդես է գալիս դրական քայլերի օգտին»։
Թուրքիայի նախագահը նշել է, որ աշխարհն ու տարածաշրջանը խաղաղության կարոտ են ու ընդգծել՝ ցանկանում են որքան հնարավոր է շուտ հասնել այդ խաղաղությանը։
