Team Telecom-ի վնասված կապուղին Կիրանցի հատվածում է․ գյուղից պնդում են՝ Ադրբեջանին հանձնված տարածքում է, ընկերությունը հերքում է
![](https://factor.am/wp-content/uploads/2024/07/Снимок-137.jpg)
Եսայան եղբայրներին պատկանող Team Telecom ընկերությունից այսօր հայտնել են, որ ճանապարհաշինարարական աշխատանքների ընթացքում մի քանի տեղում վնասվել են ընկերության միջազգային կապուղիները, ինչի հետևանքով առկա է ֆիքսված ու բջջային ինտերնետի ծառայությունների հասանելիության սահմանափակում:
Ընկերության մամուլի պատասխանատուն Factor.am-ի հարցին ի պատասխան հայտնեց, որ կապուղիները վնասվել են Կիրանց գյուղի հատվածում՝ պնդելով ՀՀ-ի վերահսկողության տակ գտնվող տարածքում։ Այնինչ՝ Factor.am-ին Կիրանց գյուղի բնակիչներից մեկը հայտնեց, որ վնասված կապուղիները գտնվում են այսօրվանից Ադրբեջանի վերահսկողության տակ անցած հատվածում։ Մասնավորապես, Կիրանցի նախկին մուտքի մոտ, որտեղ երկու ամիս առաջ տեղադրված էին այս վագոն-տնակները։ (Լուսանկարում)
Team Telecom ընկերության ներկայացուցչից Factor.am-ը հետաքրքրվեց՝ արդյոք կան կապուղիներ, որոնք անցնում են Ադրբեջանին հանձնված տարածքով, վերջինս խոստացավ պարզել և ավելի ուշ պատասխանել։
Նարեկ Կիրակոսյան
Փշալարով կիսված գյուղը․ վիճող ամուսիններ, դիմակավոր ԱԱԾ-ականներ, հպարտ ՔՊ-ականներ. ՏԵՍԱՆՅՈՒԹ