22.11.2024 | 17:34
Կարեն Խաչատրյանը` բրոնզե մեդալակիր
Բայրամովը Կոլոմինայի հետ հանդիպմանը դժգոհել է ՀՀ-ի կողմից սպառազինության ձեռքբերումից
Քաղաքականություն
10.07.2024 | 16:08
Վաշինգտոնում ՆԱՏՕ-ի գագաթնաժողովի շրջանակում Ադրբեջանի ԱԳ նախարար Ջեյհուն Բայրամովի ու Կովկասի և Կենտրոնական Ասիայի հարցերով ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինայի հանդիպման վերաբերյալ ադրբեջանական արտաքին քաղաքական գերատեսչությունը նոր մանրամասներ է հայտնել։
Նշվում է, որ խոսելով հետկոնֆլիկտային շրջանում տարածաշրջանում անվտանգության ներկա իրավիճակի մասին՝ Բայրամովը նշել է, թե, իբր, «Ադրբեջանի խաղաղ բնակչությանն ուղղված ականների սպառնալիքները շարունակվում են», և որ Հայաստանն արագորեն սպառազինվում է։
«Նշվել է, որ Ադրբեջանը, որպես Հայաստանի հետ խաղաղության գործընթացի հիմնական տարրերի նախաձեռնող, շահագրգռված է տարածաշրջանում խաղաղության և կայունության հաստատմամբ։ Ընդգծվել է, որ չնայած խաղաղության համաձայնագրի նախագծի շուրջ զգալի առաջընթացին՝ Հայաստանի Սահմանադրությունը դեռևս հավակնություններ է պարունակում մեր երկրի տարածքային ամբողջականության և ինքնիշխանության նկատմամբ»,- ասվում է ադրբեջանական կողմի հաղորդագրության մեջ։
