01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Պապիկյանն ընդունել է Ավստրիայի պաշտպանության դաշնային նախարարի գլխավոր քարտուղարին
Քաղաքականություն
10.07.2024 | 13:35
Հուլիսի 10-ին ՀՀ պաշտպանության նախարար Սուրեն Պապիկյանն ընդունել է Ավստրիայի Հանրապետության պաշտպանության դաշնային նախարարի գլխավոր քարտուղար, նախարարության պաշտպանական քաղաքականության տնօրեն դոկտոր Առնոլդ Կամմելին: Այս մասին Պապիկյանը տեղեկացնում է իր ֆեյսբուքյան էջում։
«Հանդիպմանը մասնակցել է նաև ՀՀ-ում Ավստրիայի արտակարգ և լիազոր դեսպան Թոմաս Մյուլմանը:
Քննարկել ենք Հայաստանի և Ավստրիայի միջև պաշտպանության բնագավառում համագործակցության հեռանկարները:
Ներկայացրել եմ Հայաստանում իրականացվող պաշտպանական բարեփոխումների ընթացքը և այդ համատեքստում՝ միջազգային համագործակցության շրջանակը:
Քննարկել ենք նաև տարածաշրջանային անվտանգությանն առնչվող հարցեր»,- նշված է գրառման մեջ:
