14.01.2026 | 19:14
Չորս հայ՝ Բաքվից Երևան, երկու սիրիացի վարձկան՝ Երևանից Դամասկոս. ՏԵՍԱՆՅՈՒԹ
Գևորգ Պապոյանի նախագահությամբ կայացել է ԵՏՄ արդյունաբերական քաղաքականության խորհրդի 6-րդ նիստը
Տնտեսություն
09.07.2024 | 10:50
Էկոնոմիկայի նախարար Գևորգ Պապոյանի նախագահությամբ հուլիսի 8-ին ՌԴ Եկատերինբուրգ քաղաքում կայացել է ԵՏՄ արդյունաբերական քաղաքականության խորհրդի 6-րդ նիստը․ տեղեկացնում են ՀՀ էկոնոմիկայի նախարարությունից։
«Կարևոր է մշակել այնպիսի ընդհանուր մեխանիզմներ, որոնք ուղղված կլինեն արդյունաբերական հատվածի աջակցմանը, նորարարության խթանմանը, տեխնոլոգիական արդիականացմանն ու ապրանքների մրցունակության բարձրացմանը»,- ողջույնի խոսքում նշել է Գևորգ Պապոյանը։
Նիստի ընթացքում քննարկվել են մինչև 2030 թ․ ԵՏՄ շրջանակներում արդյունաբերական համագործակցության հիմնական ուղղությունները։
Օրակարգային հարցերի թվում էին ռոբոտաշինության զարգացման, արդյունաբերական ռոբոտների արտադրության և ներդրման միջպետական ծրագրի մշակման հնարավորությունը, ինչպես նաև ԵԱՏՄ արդյունաբերության ճյուղերում համատեղ կոոպերացիոն նախագծերի իրականացման ընթացքում տրամադրվող ֆինանսական աջակցությանը վերաբերող հարցեր։
Նիստի արդյունքներով ստորագրվել է նիստի արձանագրությունը։
