19.05.2026 | 13:43
Շատ լավ հասկանում ենք, ՌԴ-ից չէ որ պետք է ասեն՝ ԵՏՄ և ԵՄ անդամակցությունը անհամատեղելի են․ Միրզոյան․ ՏԵՍԱՆՅՈՒԹ
Ուզում եք երկա՞ր մնալ վարչապետ, ապա բարի եղեք գործով զբաղվել. Արմեն Աշոտյանը՝ Նիկոլ Փաշինյանին
Քաղաքականություն
03.09.2018 | 10:33
Ազգային ժողովի ՀՀԿ խմբակցության պատգամավոր Արմեն Աշոտյանը ֆեյսբուքի իր էջում արված գրառմամբ անդրադարձել է ՀՀ վարչապետ Նիկոլ Փաշինյանի այն հայտարարությանը, որ Կառավարությունն աշխատում է ԱԺ-ի ինքնալուծարման մասին սահմանադրական փոփոխությունների փաթեթի վրա: Գրառումըէ ստորև.
«Վարչապետ Նիկոլ Փաշինյանը հայտարարել է, որ կառավարությունը աշխատում է Ազգային Ժողովի ինքնալուծարման մասին սահմանադրական փոփոխությունների փաթեթի վրա։
Լավ կլինի, որ այս կառավարությունը վերջապես կենտրոնանա իր բուն պարտականությունների կատարման վրա և աշխատի մարդկանց սպասելիքները արդարացնելու ուղղությամբ. բարելավի մարդկանց կյանքը, ամրապնդի Հայաստանի և Արցախի անվտանգությունը, վարի արդյունավետ արտաքին քաղաքականություն, զարգացնի ժողովրդավարությունը։
ԱԺ-ն մեղավոր չէ, որ ձեզ մոտ առ այսօր ոչինչ չի ստացվում ու այս տեմպերով դժվար էլ ստացվի։ Ուզում եք երկա՞ր մնալ վարչապետ, ապա բարի եղեք գործով զբաղվել»,- գրել է նա:
