24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Հայաստանը Ֆրանսիայից CAESAR հրետանային համակարգեր ձեռք կբերի
Քաղաքականություն
18.06.2024 | 11:15
Ֆրանսիայի զինված ուժերի նախարար Սեբաստիան Լըկորնյուն անդրադարձել է ՀՀ ՊՆ ղեկավար Սուրեն Պապիկյանի հետ նախօրեի հանդիպմանն ու նոր համաձայնագրի կնքմանը։
«Մենք շարունակում ենք ամրապնդել մեր պաշտպանական հարաբերությունները Հայաստանի հետ։ Ջերմ և արդյունավետ զրույց իմ պաշտոնակից Սուրեն Պապիկյանի հետ՝ Eurosatory-ի շրջանակում։ Նոր կարևոր հանգրվան CAESAR հրետանային համակարգերի ձեռքբերման պայմանագրի կնքմամբ»,- գրել է Սեբաստիեն Լըկորնյուն X-ի իր էջում։
Հավելենք, որ Հայաստանի ռազմական գերատեսչությունը հայտնել էր, որ Սուրեն Պապիկյանի՝ Ֆրանսիա կատարած աշխատանքային այցի շրջանակում հունիսի 17-ին ՀՀ պաշտպանության նախարարության և KNDS ֆրանսիական ռազմարդյունաբերական ընկերության միջև կնքվել է ռազմատեխնիկական համագործակցության պայմանագիր։
