24.06.2026 | 07:58
ԱԱ-2026. Կոլումբիան հաղթեց ու նվաճեց փլեյ-օֆֆի ուղեգիր. ՏԵՍԱՆՅՈՒԹ
ՀՀ-ն բողոքի հայտագիր է հղել բելառուսական կողմին ՀՀ ներքին գործերին միջամտելու առնչությամբ․ ԱԳՆ
Քաղաքականություն
14.06.2024 | 15:51
Բելառուսի ԱԳՆ խոսնակի՝ հունիսի 13-ի մեկնաբանության, մասնավորապես ՀՀ ներքին գործերին միջամտելու առնչությամբ բելառուսական կողմին ներկայացվել է բողոքի հայտագիր․ տեղեկացնում են ՀՀ ԱԳՆ-ից։
«Հավելենք, որ երկրի ապագայի մասին մտածող ղեկավար ունենալու մաղթանքներ հղելիս մաղթողն ինքը պետք է սեփականն ունենա: Բելառուսի պարագայում այս պահին դա հիրավի շռայլություն է»,- ասված է հաղորդագրությունում։
Հիշեցնենք, որ Բելառուսի ԱԳՆ մամուլի քարտուղար Անատոլի Գլազը հայտարարել էր, որ Բելառուսը չի պատրաստվում վատթարացնել հարաբերությունները Հայաստանի հետ։
«Մենք երբեք ոչինչ չենք արել մեր ընկերներին վնասելու համար, մենք չենք խառնվում ներքին գործերին, մենք հարգում ենք հայ ժողովրդին և անկեղծորեն մաղթում նրան առաջնորդների, որոնք իսկապես կմտածեն երկրի ապագայի և ժողովրդի բարօրության մասին»,- մասնավորապես ասել էր Գլազը։
Հիշեցնենք նաև, որ ՀՀ վարչապետ Նիկոլ Փաշինյանը հայտարարել էր, որ Բելառուս չի այցելի, քանի դեռ նախագահը Ալեքսանդր Լուկաշենկոն է։
Այնուհետև ՀՀ ԱԳՆ-ն հայտնել էր Մինսկից ՀՀ դեսպանին հետ կանչելու մասին։
Բելառուսում ՀՀ դեսպանը կանչվել է Երևան՝ խորհրդակցությունների․ ՀՀ ԱԳՆ
Մինսկն իր հերթին հայտարարել է խորհրդակցությունների համար Հայաստանից իր դեսպանին հետ կանչելու մասին։
