16.09.2026 | 12:00
«Նաիրիտ 2»-ի 420.8 մլն դրամ գնահատված գույքը վաճառվել է 167.8 մլն դրամով․ նախաձեռնվել է քրեական վարույթ
Մինսկը չի պատրաստվում վատթարացնել հարաբերությունները Հայաստանի հետ․ Բելառուսի ԱԳՆ
Քաղաքականություն
13.06.2024 | 17:24
Բելառուսը չի պատրաստվում վատթարացնել հարաբերությունները Հայաստանի հետ։ Այս մասին լրագրողներին ասել է Բելառուսի ԱԳՆ մամուլի քարտուղար Անատոլի Գլազը, գրում է ԲԵԼՏԱ-ն։
«Կարևոր է հասկանալ, որ Հայաստանի հետ մեզ կապում են երկարամյա սերտ, բարեկամական հարաբերությունները և ընդհանուր պատմությունը, իսկ այսօր նաև փոխշահավետ առևտուրը, ինչպես նաև սերտ գործարար կապերը։ Մենք չենք պատրաստվում վատթարացնել այդ հարաբերությունները, որքան էլ արտաքին խաղացողները դրդեն Հայաստանի ղեկավարությանը դրան։ Մենք երբեք ոչինչ չենք արել մեր ընկերներին վնասելու համար, մենք չենք խառնվում ներքին գործերին, մենք հարգում ենք հայ ժողովրդին և անկեղծորեն մաղթում նրան առաջնորդների, որոնք իսկապես կմտածեն երկրի ապագայի և ժողովրդի բարօրության մասին»,- ասել է Գլազը։
Հիշեցնենք, որ այսօր ՀՀ վարչապետ Նիկոլ Փաշինյանը հայտարարել էր, որ Բելառուս չի այցելի, քանի դեռ նախագահը Ալեքսանդր Լուկաշենկոն է։ Այնուհետև ՀՀ ԱԳՆ-ն հայտնել էր Մինսկից ՀՀ դեսպանին հետ կանչելու մասին։
Մինսկն իր հերթին հայտարարել է խորհրդակցությունների համար Հայաստանից իր դեսպանին հետ կանչելու մասին։
