06.08.2026 | 20:22
Տրամադրվել է օտարերկրյա պետություններում ՀՀ քաղաքացու վավերական 489 անձնագիր
Կոռուպցիոն սկանդալ Ադրբեջանի ՊՆ-ում․ բարձրաստիճան զինվորականներ են կալանավորվել
Քաղաքականություն
03.06.2024 | 15:51
Ադրբեջանի Պետական անվտանգության ծառայությունում (ՊԱԾ) երկրի Պաշտպանության նախարարությունում կոռուպցիոն յուրացումների դեպքի առթիվ հարուցված քրեական գործի շրջանակում նոր ձերբակալվածներ կան։ Տեղական լրատվամիջոցները հայտնում են, որ ձերբակալվել են Ադրբեջանի ՊՆ տարբեր զորամասերում ֆինանսական ծառայության պետ աշխատած կապիտաններ Ջաբրայիլ Օրուջևն ու Վահիդ Նովրուզովը։ Նրանց մեղադրանք է առաջադրվել քրեական օրենսգրքի 179.4 հոդվածով (առանձնապես խոշոր չափերով յուրացում):
Պետական անվտանգության ծառայության քննչական գլխավոր վարչությունը դատարանին միջնորդել է որպես խափանման միջոց ընտրել կալանավորումը։ Բաքվի ռազմական դատարանը բավարարել է հետաքննության միջնորդությունը՝ 4 ամիս ժամկետով կալանավորելով գործով երկու մեղադրյալներին։
Նշենք, որ Ադրբեջանի ՊՆ-ում 143 մլն մանաթի յուրացման գործի շրջանակում մի քանի բարձրաստիճան զինվորականներ արդեն կալանավորվել են։ Աղմկահարույց գործով նախաքննությունը շարունակվում է։
Բացի այդ, ադրբեջանական լրատվամիջոցները հայտնում են, որ ձերբակալվել է N զորամասի դիվիզիայի հրամանատարը։ Աղամալի Փանախովը մեղադրվում է զորամասում ծառայող զինվորներից կաշառք ստանալու մեջ։
Նշվում է, որ նրան մեղադրանք է առաջադրվել Քրեական օրենսգրքի 311.3.2 հոդվածով (կաշառք՝ կրկնակի կատարելու դեպքում) և խափանման միջոց է ընտրվել կալանավորումը։
Էմմա Չոբանյան
