26.06.2026 | 04:58
ԱԱ-2026. Նիդերլանդներն ու Ճապոնիան դուրս եկան փլեյ-օֆֆ. ՏԵՍԱՆՅՈՒԹ
Դատախազությունը կբողոքարկի Սերժ Սարգսյանին և մյուսներին արդարացնելու դատավճիռը
Հասարակություն
31.05.2024 | 21:08
Դատախազությունը կբողոքարկի Սերժ Սարգսյանին և մյուսներին արդարացնելու դատավճիռը: Այս մասին Factor TV-ի հարցին ի պատասխան ասաց Գլխավոր դատախազի խորհրդական Լուսինե Մարտիրոսյանը:
Հիշեցնենք, որ Երևանի ընդհանուր իրավասության դատարանը՝ նախագահությամբ դատավոր Վահե Միսակյանի, այսօր հրապարակել է դատավճիռ՝ արդարացնելով Հայաստանի երրորդ նախագահ Սերժ Սարգսյանին, «Ֆլեշ» ընկերության սեփականատեր Բարսեղ Բեգլարյանին և նախկին գյուղատնտեսության նախարարության աշխատակից Գևորգ Հարությունյանին։ Նրանք մեղադրվում էին պետությունից առանձնապես խոշոր չափի յուրացում կատարելու համար։
Դատախազությունը պահանջել էր նրանց մեղավոր ճանաչել, բայց ազատել պատասխանատվությունից, քանի որ անցել է նրանց վերագրվող արարքի վաղեմության ժամկետը։ Պաշտպանական կողմն էլ պահանջել էր ճանաչել և հռչակել Սարգսյանի, Բեգլարյանի և Հարությունյանի անմեղությունը:
Արդարացման դատավճռի հրապարակումից հետո Սերժ Սարգսյանը լրագրողների հետ զրույցում կարծիք էր հայտնել, որ Դատախազությունը դատական ակտը կբողոքարկի։
Արաքս Մամուլյան
