18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Ադրբեջանի և Հայաստանի միջև սահմանազատման գործընթացը կնպաստի տարածաշրջանում կայունությանը․ՌԴ ԱԳ փոխնախարար
29.05.2024 | 11:41
Ադրբեջանի և Հայաստանի սահմանների սահմանազատումն ու սահմանագծումը կնպաստեն երկու երկրների հարաբերությունների զարգացմանը, ինչպես նաև՝ տարածաշրջանային անվտանգությանն ու կայունությանը։ Այս մասին հայտարարել է ՌԴ ԱԳ փոխնախարար Միխայիլ Գալուզինը Մոսկվայում Ադրբեջանի Անկախության օրվա առթիվ կազմակերպված ընդունելության ժամանակ ադրբեջանական լրատվամիջոցների հետ զրույցում։ Նա նշել է, որ սահմանազատումն ու սահմանագծումը Ռուսաստանի, Ադրբեջանի և Հայաստանի ղեկավարների կողմից ձեռք բերված եռակողմ պայմանավորվածությունների հիմնական ուղղություններից է։
«Մենք անկեղծորեն ուրախ ենք, որ բարեկամ Ադրբեջանը տոնում է իր ազգային տոնը։ Երկիրը միջազգային հարաբերությունների ակտիվ մասնակից է և կարևոր դեր է խաղում Հարավկովկասյան տարածաշրջանում և հեղինակություն է վայելում միջազգային հանրությունում»,-ասել է նա՝ հավելելով․
«Մեր համագործակցությունները կայուն զարգանում է բոլոր ոլորտներում: Սա ներառում է և՛ քաղաքական երկխոսությունը, և՛ փոխգործակցությունը միջազգային ասպարեզում: Սրանք մեր բազմաբնույթ առևտրային, տնտեսական, մշակութային և հումանիտար կապերն են։ Իլհամ Ալիևի այցը Մոսկվա նման դրական դինամիկա է հաղորդել մեր հարաբերություններին»։
