Նոնսե՛նս է․ Փաշինյանը մեղադրեց ՌԴ-ին և Բելառուսին ՀՀ դեմ պատերազմին օգնելու մեջ, բայց ՀԱՊԿ-ը չի լքում․ Անահիտ Ադամյան. ՏԵՍՍԱՆՅՈՒԹ

Մայիսի 24-ին ՀՀ-ում ՌԴ-ի դեսպան Կոպիրկինը խորհրդակցությունների է կանչվել Մոսկվա։ Եվ ռուս դեսպանին Լավրովը հրավիրում է խորհրդակցության, երբ Փաշինյանն անուղղակի մեղադրեց ՀԱՊԿ-ի 2 երկրի՝ ՀՀ դեմ պատերազմի պատրաստմանը մասնակցելու մեջ։ Ու նաև՝ ՀՀ-ում ներքաղաքական զարգացումներ են՝ ընդդիմությունը հակաիշխանական պայքար է տանում՝ Փաշինյանի հեռացման հարցով։ Փաշինյանը թեև ՌԴ անունը չէր տալիս, սակայն հաշվի առնելով այն հանգամանքը որ 2011-2020 թվականներին Բելառուսը և Ռուսաստանը Ադրբեջանին են մատակարարել նրա ռազմական արսենալի 67 տոկոսը, ակնհայտ է՝ նրանց է վերաբերում։ Լուկաշենկոն էր Ալիևի հետ զրույցում ասել, որ նախապես քննարկել են պատերազմի սցենարը և եզրահանգել որ կհաղթեն։

«Հանրապետություն» կուսակցության ներկայացուցիչ Անահիտ Ադամյանը Factor TV-ի հետ հարցազրույցում ասում է, որ անհապաղ պետք է Հայաստանը սկսի ՀԱՊԿ-ից ԵՏՄ-ից դուրս գալու պրոցեսը, հատկապես, երբ երկրի վարչապետն այսպիսի գնահատականներ է հնչեցնում․

«Նոնսե՛նս է, երբ Փաշինյանը մեղադրում է ՌԴ-ին և Բելառուսին ՀՀ դեմ պատերազմին օգնելու մեջ, բայց ՀԱՊԿ-ը չի լքում։ Մեր քաղաքական ուժը պահանջում է, որ ՀՀ-ն պարտալարը ՌԴ-ից կտրի, և Արևմուտքին ինտեգրվի։ ԵՄ-ին անդամակցելու հանրաքվե նշանակել»։ Անահիտ Ադամյանը Հայաստանում տեղի ունեցող ներքաղաքական իրողությունները եվրաինտեգրման պրոցեսը կասեցնելու համատեքստում է դիտարկում․

«ՌԴ-ի միակ գործիքը ՀՀ-ի դեմ 5-րդ շարասյունն է մնացել, որը գործարկեց։ Ռուսաստանը մեր ինքնիշխանությունն իր դեմ է ընկալում։ ՌԴ-ն և Բելառուսը միլիարդների հարձակվողական զենք են վաճառել Ադրբեջանին՝ 2007-ից, ո՞ւր էր Փաշինյանը, դեռ նույնիսկ հեղափոխություն չկար։ 2007-ին Քոչարյանն էր նախագահ, երբ ՌԴ-ն սկսեց միլիարդների զենքի վաճառքը Ադրբեջանին։ Քոչարյանը եթե էլի իշխանության գա, ոչինչ չի փոխվի։ Այսօր հայտնի հոգևորականը Երևանի փողոցներում լուծում է ՀՀ-ն ԽՍՀՄ 2-ի մաս դարձնելու հարցը»։

Հարցազրույցն ամբողջությամբ՝ տեսանյութում։

Ռոբերտ Անանյան