09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Թուրքիան պետք է արագորեն կարգավորի հարաբերությունները ՀՀ-ի հետ և կանխի Մերձավոր Արևելքի հրդեհի տարածումը Կովկաս․ Ահմեթ Դավութօղլու
Քաղաքականություն
23.05.2024 | 15:38
Թուրքիայի նախկին վարչապետ, նախկին ԱԳ նախարար Ահմեթ Դավութօղլուն, որն այժմ ընդդիմադիր «Ապագա» (Gelecek) կուսակցության նախագահն է, երկրի Ազգային Մեծ ժողովում Saadet- Gelecek կուսակցությունների համատեղ խմբի նիստում ունեցած ելույթում անդրադարձել է նաև Հայաստանի հետ հարաբերությունների կարգավորմանը։
«Թուրքիան պետք է արագորեն կարգավորի հարաբերությունները Հայաստանի հետ։ Սահմանային անցակետերն ու դեսպանատները պետք է փոխադարձաբար բացվեն։ Պետք է կանխել Մերձավոր Արևելքի հրդեհի տարածումը դեպի Կովկաս»,- ասել է նա՝ խոսելով Իրանի նախագահի ու այլ պաշտոնյաների մահվան համատեքստում ստեղծված իրավիճակի մասին։
«Հուսով եմ, որ եթե այս դժբախտ պատահարի հետևում կա որևէ պատճառ կամ սպանություն, այն կպարզվի, քանի որ Մերձավոր Արևելքում ոչինչ պատահական չի լինում։ Ինձ դուր չեն գալիս դավադրության տեսությունները, բայց Թուրքիան պետք է մեծ խելամտությամբ գործի Մերձավոր Արևելքի հրդեհը Կովկասում տարածվելու հարցում: Անցյալ շաբաթ Իրանի դեսպանի այցի ժամանակ, երբ նա ինձ հարցրեց, թե ինչ խորհուրդ կտամ, ես պատասխանեցի՝ բարելավեք Իրան-Ադրբեջան հարաբերությունները և երբեք թույլ մի տվեք որևէ սադրանք»,- ասել է Դավութօղլուն։
