09.09.2026 | 21:00
Եթե ՌԴ-ն գազը թանկացնի, Գազպրոմը կարժանանա ՀԷՑ-ի ճակատագրին, Ադրբեջանից և ԵՄ-ից գազ կգնենք․ Առնոլդ Բլեյան․ ՏԵՍԱՆՅՈՒԹ
ՀՀ-ի և Ադրբեջանի միջև խաղաղության պայմանագրի կնքումը դրական կանդրադառնա ամբողջ տարածաշրջանի վրա․ Հաքան Ֆիդան
Քաղաքականություն
22.05.2024 | 18:01
Թուրքիայի արտգործնախարար Հաքան Ֆիդանն Անկարայում Թուրքական պետությունների կազմակերպության խորհրդարանական վեհաժողովի պաշտպանության հանձնաժողովների նախագահների առաջին հանդիպմանը խոսել է նաև Հայաստանի ու Ադրբեջանի միջև բանակցություններից։
Նա դրական է գնահատել, որ, իր խոսքով, «Հայաստանն Ադրբեջանին է վերադարձում 4 գյուղերը, ինչպես նաև Ալմաթիում ավելի վաղ Հայաստանի ու Ադրբեջանի ԱԳ նախարար Արարատ Միրզոյանի և Ջեյհուն Բայրամովի բանակցությունները»։
Նա ընդգծել է, որ Թուրքիան շարունակում է իր լիակատար աջակցությունն Ադրբեջանին այս գործընթացներում։
«Եթե Ադրբեջանի և Հայաստանի միջև կնքվի վերջնական խաղաղության համաձայնագիր, դա դրական հետևանքներ կունենա ոչ միայն երկու երկրների, այլև ամբողջ տարածաշրջանի վրա»,- հայտարարել է Թուրքիայի ԱԳ նախարարը։
