01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Փարիզ-2024-ին ընդառաջ Մարսելում ուսումնամարզական հավաքի հնարավորություն․ ստորագրվել է հուշագիր
21.05.2024 | 22:44
Հայաստանի օլիմպիական հավաքականի մի քանի մարզաձևերի ներկայացուցիչներ Փարիզի 2024 թվականի Օլիմպիական խաղերին ընդառաջ՝ հուլիսի 8-23-ը, հնարավորություն կունենան ուսումնամարզական հավաք անցկացնելու Մարսելի շրջակայքում տեղակայված մարզաբազաներում։
ԿԳՄՍՆ-ից տեղեկացնում են, որ այս նպատակով Մարսելի դեպարտամենտի ղեկավարության և հայկական կողմի միջև կնքվել է հուշագիր։
Հայկական կողմից հուշագիրը ստորագրել են ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը և ՀԱՕԿ սպորտային ծրագրերի իրականացման բաժնի պետ Գագիկ Բոլշիկյանը։
Ֆրանսիայի Բուշ դյու Ռոն նահանգի խորհրդում տեղի ունեցած միջոցառմանը ներկա է եղել նաև Մարսելում ՀՀ գլխավոր հյուպատոս Արա Մկրտչյանը։
Նախաձեռնության հեղինակներն են Բուշ դյու-Ռոն դեպարտամենտի ղեկավարությունը՝ դեպարտամենտի խորհրդի նախագահ Մարտին Վասալի գլխավորությամբ, ինչպես նաև «Վազք հիշատակի» հայկական կազմակերպությունը՝ Ժիրայր Գրիգորյանի և Պասկալ Շամազյանի գլխավորությամբ։
ԿԳՄՍ նախարարի տեղակալ Կարեն Գիլոյանի փոխանցմամբ՝ նրանք նաև աջակցելու են, որ Օլիմպիական խաղերի ընթացքում Փարիզում ունենանք «Հայաստանի տուն»։
Փարիզի 33-րդ ամառային Օլիմպիական խաղերը կկայանան 2024 թվականի հուլիսի 26-ից օգոստոսի 11-ը:
