04.06.2026 | 20:17
Փաստաբանն ահազանգում է՝ Արթուր Օսիպյանի կյանքի համար լուրջ վտանգ է առկա
Հայաստանը Մոլդովայում մասնակցում է ՆԱՏՕ-ի Regex 2024 միջազգային զորավարժությունների հերթական փուլին
Քաղաքականություն
21.05.2024 | 14:35
Մոլդովայում ընթանում են Regex 2024 ՆԱՏՕ-ի շտաբային միջազգային զորավարժությունները։ Մոլդովայի ՊՆ-ի հաղորդմամբ՝ մայիսի 20-ին մեկնարկած վարժանքները կտևեն մինչև մայիսի 24-ը։
Զորավարժություններին մասնակցում են ՆԱՏՕ-ի գործընկեր երկրների շուրջ 30 մասնակիցներ՝ Հայաստանը, Ադրբեջանը, Բոսնիա և Հերցեգովինան, Ուզբեկստանը, Եգիպտոսը, Հորդանանը, Բահրեյնի Թագավորությունը, Մարոկկոն, Ղազախստանը, Պակիստանը, Թունիսը, Եգիպտոսը, Մալթան, Աֆրիկյան միությունը (Գանա և Բենին) և մոլդովական Ազգային բանակի սպաները։
Նշում է, որ զորավարժությունները կազմակերպվել են Նեապոլում ՆԱՏՕ-ի միացյալ հրամանատարության աջակցությամբ և ուղղված են պատրաստելու զինվորականներին արևմտյան ստանդարտներին՝ զորավարժությունների պլանավորման ու անցկացման, ճգնաժամային իրավիճակների կառավարման, բազմազգ միջավայրում ուժերի փոխգործակցության ունակության մակարդակի ամրապնդման և գնահատմանը։
Regex 2024 շտաբային զորավարժությունները բաղկացած են մի քանի սեմինարներից: Առաջինը տեղի է ունեցել փետրվարի 16-ից մարտի 1-ը, երկրորդը՝ 2024 թվականի ապրիլի 22-ից 26-ը, որին Հայաստանը նույնպես մասնակցել է։
