05.08.2026 | 11:12
Հայաստանում խաղացած ֆուտբոլիստի տպավորիչ անցումն ու ասիստը «Բավարիայի» դեմ խաղում. ՏԵՍԱՆՅՈՒԹ
Հայաստանը մասնակցում է Մոլդովայում անցկացվող ՆԱՏՕ-ի Regex-2024 միջազգային զորավարժություններին
Քաղաքականություն
20.02.2024 | 11:42
Մոլդովայում փետրվարի 19-ին մեկնարկել են Regex-2024 միջազգային շտաբային զորավարժությունները, որոնք տևելու են մինչև մարտի 1-ը։ Մոլդովայի ՊՆ-ի հաղորդմամբ՝ զորավարժություններին մասնակցում է նաև Հայաստանը։
Ընդհանուր առմամբ, մասնակցում են ՆԱՏՕ-ի գործընկեր երկրների մոտ 30 ներկայացուցիչներ՝ Հայաստանը, Ադրբեջանը, Բոսնիա և Հերցոգովինան, Վրաստանը, Ուզբեկստանը, Եգիպտոսը, Հորդանանը, Բահրեյնը, Մարոկկոն, Ղազախստանը, Պակիստանը, Թունիսը, Մալթան, Գանան և Բենինը։
Ուսումնական մոդուլներին մասնակցելու է Նեապոլում ՆԱՏՕ-ի դաշնակից հրամանատարության հինգ հրահանգիչ:
Քիշնևի Սպաների տանը զորավարժությունները բացել են Մոլդովայի ազգային բանակի հրամանատար, գեներալ Էդուարդ Օխլադչուկը և Նեապոլում ՆԱՏՕ-ի միացյալ հրամանատարության ղեկավար, ամերիկացի ծովակալ Ստյուարտ Բ.Մանչը։
Զորավարժության ղեկավար, փոխգնդապետ Վլադիմիր Կովալենկոյի խոսքով՝ գլխավոր շտաբի զորավարժությունը բաղկացած է մի քանի սեմինարներից, որոնք կանցկացվեն հաստատված ծրագրի համաձայն, իսկ մասնակիցների վերապատրաստումը կիրականացնեն Նեապոլում ՆԱՏՕ-ի միացյալ ուժերի հրամանատարության գործընկերները:
