Քաղաքականություն
20.05.2024 | 12:54
Իրանի ղեկավար և հոգևոր առաջնորդ այաթոլլա Ալի Խամենեին երկրում 5-օրյա սուգ է հայտարարել նախագահ Էբրահիմ Ռաիսիի և Իրանի բարձրաստիճան մյուս պաշտոնյաների մահվան կապակցությամբ, հայտնում է Tasnim գործակալությունը։
«Ես 5-օրյա սուգ եմ հայտարարում ամբողջ երկրում և իմ ցավակցությունն եմ հայտնում Իրանի թանկագին ժողովրդին»,- ասվում է տեքստում։
Նա նաև ընդգծել է, որ Սահմանադրության 131-րդ հոդվածի համաձայն՝ Մոհամմադ Մոխբերը «դառնում է գործադիր իշխանության ղեկավար և պարտավորվում է օրենսդիր և դատական իշխանությունների ղեկավարների հետ պայմանավորվել առաջիկա 50 օրվա ընթացքում նոր նախագահ ընտրելու հարցում»։
Mehr գործակալության փոխանցմամբ էլ՝ Իրանի նախագահ Էբրահիմ Ռաիսիի, արտաքին գործերի նախարար Հոսեյն Ամիր Աբդոլլահիանի, Արևելյան Ադրբեջան նահանգի ղեկավար Մալեք Ռահմատի, իմամ Մոհամմադ Ալի Ալե Հաշեմի և մյուս զոհվածների հուղարկավորության արարողությունը տեղի կունենա մայիսի 21-ին՝ Թավրիզ քաղաքում:
