23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Վրաստանի խորհրդարանի նախագահը հայտարարել է, որ «օտարերկրյա գործակալների» մասին օրենքի վրա նախագահի վետոն կչեղարկվի
Քաղաքականություն
20.05.2024 | 12:29
Վրաստանի խորհրդարանը կկարողանա վերացնել երկրի նախագահ Սալոմե Զուրաբիշվիլիի վետոն, որը նա դրել է «օտարերկրյա գործակալների» մասին օրենքի վրա։ Այս մասին լրագրողների հետ զրույցում հայտարարել է Վրաստանի խորհրդարանի նախագահ Շալվա Պապուաշվիլին։
«Իհարկե, խորհրդարանը կչեղարկի այս վետոն։ Օրենքը վրացական է»,- ասել է նա։
Խորհրդարանի նախագահը պարզաբանել է, որ մայիսի 20-ին տեղի է ունենալու խորհրդարանի բյուրոյի նիստ, որտեղ կգրանցվի նախագահի վետոն և կներկայացվի իրավական հարցերի հանձնաժողովի քննարկմանը։ Այն բանից հետո, երբ հանձնաժողովը վերանայի վետոն, այն կքվեարկվի լիագումար նիստում։
Զուրաբիշվիլին վիճահարույց օրինագծի վրա վետո է դրել մայիսի 18-ին։
