09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
Վահագն Խաչատուրյանը ցավակցություն է հայտնել Իրանի նախագահ Իբրահիմ Ռայիսիի մահվան կապակցությամբ
Քաղաքականություն
20.05.2024 | 11:12
ՀՀ նախագահ Վահագն Խաչատուրյանը ցավակցություն է հայտնել Իրանի նախագահ Իբրահիմ Ռայիսիի և բարձրաստիճան մյուս պաշտոնյաների մահվան կապակցությամբ։ Այս մասին ՀՀ նախագահը գրել է X-ի իր էջում։
«Խորապես ցնցված եմ ուղղաթիռի կործանման մասին սարսափելի լուրով, որը խլեց Իրանի Իսլամական Հանրապետության նախագահ Սեյիդ Իբրահիմ Ռայիսիի, արտգործնախարար Ամիրաբդոլլահիանի և այլ պաշտոնատար անձանց կյանքերը։ Իմ անկեղծ ցավակցություններն եմ հայտնում կառավարությանն ու Իրանի բարեկամ ժողովուրդներին։ Մենք կիսում ենք Իրանի ժողովրդի վիշտը և մաղթում տոկունություն ու համբերություն այս դժվարին պահին»։
Հիշեցնենք՝ Իրանի նախագահ Իբրահիմ Ռայիսիի ուղղաթիռի կիրակի կեսօրին, նախնական տվյալներով, կոշտ վայրէջք է կատարել Իրանի Արևելյան Ադրբեջան նահանգի Վերզեգանի շրջանում։ Դեպքի վայր են ուղարկվել զինված ուժերի, ոստիկանության և Իրանի Կարմիր մահիկի միության ներկայացուցիչներ, սակայն փրկարարական աշխատանքները լրջորեն բարդացել են եղանակային պայմանների և տեղանքի պատճառով։
