11.08.2026 | 20:06
Բնակարաններ՝ նորընծա սպաներին․ Սուրեն Պապիկյանը ստորագրել է հավաստագրերը
Կիպրոսում Հայաստանի Հանրապետության դեսպանատուն կբացվի
Քաղաքականություն
16.05.2024 | 11:23
Հայաստանի Հանրապետությունը Կիպրոսի Հանրապետությունում դեսպանատուն կբացի, նստավայրը՝ Նիկոսիա։ Կառավարության այսօրվա նիստում նախագիծն ընդգրկված է չզեկուցվող հարցերի փաթեթում։
Նախագծին կից հիմնավորման մեջ, մասնավորապես, նշված է, որ 2024 թվականի մարտի 14-ին կիպրական կողմը պաշտոնական հայտագրով տեղեկացրել է Կիպրոսի Նախարարների խորհրդի 2024 թվականի փետրվարի 27-ի՝ Հայաստանում Կիպրոսի դիվանագիտական ներկայացուցչություն բացելու որոշման մասին, ակնկալիքով՝ ստանալ Հայաստանի կառավարության համաձայնությունը:
Հիմնավորման մեջ ասված է, որ դեսպանատուն բացելու հարցով Կիպրոսի ԱԳ նախարարը պաշտոնապես հայտարարել է նաև մարտի 7-ին Հայաստան կատարած պաշտոնական այցի շրջանակներում։
Այս ամենի համատեքստում Կիպրոսում Հայաստանի դեսպանության բացումը արտաքին գործերի նախարարությունը համարում է նպատակահարմար, ինչը համահունչ է Հայաստանի Հանրապետության վարած արտաքին քաղաքականությանը և շահերին։
