16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Վետո կիրառելով՝ ես չեմ մտնի կեղծ, արհեստական բանակցությունների մեջ, երբե՛ք․ Սալոմե Զուրաբիշվիլի
Քաղաքականություն
15.05.2024 | 16:45
Վրաստանի նախագահ Սալոմե Զուրաբիշվիլին հայտարարել է, որ ոչ մի կեղծ ու խաբուսիկ բանակցությունների մեջ չի մտնի իշխող կուսակցության հետ՝ «օտարերկրյա գործակալների մասին» օրենքի վրա վետո կիրառելով, գրում է Գրուզիա օնլայնը։
«Ես բացատրեցի բարեկամ երկրների ներկայացուցիչներին, որ ոչ մի կերպ չեմ մտնի ինչ-որ կեղծ, արհեստական, խաբուսիկ բանակցությունների մեջ իմ կողմից վետո կիրառմամ։ Ո՛չ և երբե՛ք։ Ես չեմ դավաճանի այն ոգուն, որն այսօր տիրում է այս երկրում»,- հայտարարել է Վրաստանի նախագահը Լատվիայի, Էստոնիայի, Իսլանդիայի ու Լիտվայի ԱԳՆ ղեկավարների հետ հանդիպումից հետո տեղի ունեցած համատեղ մամլո ասուլիսի ժամանակ։
Նա նշել է, որ ոչ ոք չպետք է մտածի, որ Վրաստանի նախագահին կարելի է օգտագործել այս իշխանության դեմքը փրկելու համար։
Հիշեցնենք, որ Վրաստանի խորհրդարանը երրորդ և վերջին ընթերցմամբ հավանություն է տվել «Օտարերկրյա ազդեցության թափանցիկության մասին» օրինագծին, որը պետք է ստորագրի նաև երկրի նախագահ Սալոմե Զուրաբիշվիլին։
«Օտարերկրյա ազդեցության թափանցիկության մասին» օրինագիծը երկրորդ անգամ է ներկայացրել իշխող «Վրացական երազանք» կուսակցությունը։ Այն հետ էր կանչվել 2023 թվականի մարտին՝ համատարած բողոքներից հետո։ Ընդդիմության կարծիքով՝ օրինագիծը կրկնում է «օտարերկրյա գործակալների մասին» Ռուսաստանի օրենսդրությունը։ Օրինագծի քննարկումն ուղեկցվել է Վրաստանում զանգվածային բողոքի ցույցերով, որոնք շարունակվում են գրեթե մեկ ամիս։
ԱՄՆ-ն ու ԵՄ-ն քննադատել են աղմկահարույց օրինագիծը՝ հայտարարելով, որ դրա ընդունումը խոչընդոտ կհանդիսանա Վրաստանի եվրաինտեգրման ճանապարհին։
