14.01.2026 | 22:56
Եթե այստեղ հասել ենք, կարող ենք մեծ հաջողություններ ունենալ․ ԿԳՄՍ նախարարը՝ ֆուտզալի Հայաստանի հավաքականին
Բորտնիկովը հայտնել է, որ «Զվարթնոց» օդանավակայանում շուտով կփակվի ՌԴ ԱԴԾ անցակետը
Քաղաքականություն
14.05.2024 | 18:05
Երևանի «Զվարթնոց» օդանավակայանում ՌԴ Անվտանգության դաշնային ծառայության (ԱԴԾ) սահմանային անցակետն առաջիկայում կփակվի։ Այս մասին հայտարարել է ՌԴ ԱԴԾ տնօրենի թեկնածու Ալեքսանդր Բորտնիկովը։
Նրա խոսքով՝ Երևանը դիմել է ռուսական կողմին՝ ռուս սահմանապահների ժամանակավոր օպերատիվ խմբերը դուրս բերելու խնդրանքով, և նման որոշում է ընդունվել։
«Հայաստանը մեզ դիմել է խնդրանքով, ի թիվս այլնի, փակել «Զվարթնոց» միջազգային օդանավակայանի անցակետը, ինչը, ըստ էության, կանենք մոտ ապագայում»,- ասել է Բորտնիկովը Դաշնային խորհրդում ունեցած ելույթում։
Այնուամենայնիվ, նա նշել է, որ ռուս սահմանապահները կպահպանեն իրենց ներկայությունը Հայաստանում։ Նրանք կշարունակեն մնալ Թուրքիայի և Իրանի հետ Հայաստանի սահմանին։
Հիշեցնենք, որ այս պայմանավորվածությունները ձեռք էին բերվել մայիսի 8-ին Մոսկվայում տեղի ունեցած ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի բանակցությունների ընթացքում։
