11.08.2026 | 19:18
Ռուսական «ստվերային նավատորմի» լցանավի վրացի հրամանատարն ԱՄՆ-ում դատապարտվել է 10 ամսվա ազատազրկման
Վրաստանի խորհրդարանի մոտ մի քանի հազար ցուցարարներ են հավաքվել «օտարերկրյա գործակալների» մասին օրենքի ընդունումից հետո. ՏԵՍԱՆՅՈՒԹ
Քաղաքականություն
14.05.2024 | 17:24
Մի քանի հազար մարդ է հավաքվել Վրաստանի խորհրդարանի մոտ՝ բողոքելով «օտարերկրյա գործակալների» մասին օրենքի երրորդ և վերջնական ընթերցմամբ ընդունման դեմ, գրում է News Georgia-ն։
Քվեարկությունից մի քանի րոպե անց խորհրդարանական մեծամասնության անդամները ոստիկանների օգնությամբ սկսել են հեռանալ օրենսդրի շենքը։ Բոլոր ծառայողական մուտքերի մոտ մեծաթիվ ոստիկաններ են տեղակայվել։
🔴 Protesters reaction after the Russian Law was passed#NoToRussianLaw #RussianLaw #TbilisiProtests #GeorgiaProtests #Georgia #Tbilisi pic.twitter.com/ThtPTkXJfN
— Tabula Media (@Tabula_Media) May 14, 2024
Ցուցարարները խորհրդարանի մոտ են վաղ առավոտից։ Օրվա ընթացքում տեղի են ունեցել մի քանի ձերբակալություններ, գրանցվել են բախումներ։ Մի տղամարդ բերման է ենթարկվել խորհրդարանի պատին գրաֆիտի անելու համար, որի վրա գրված է եղել՝ «Այս երկիրը մերն է»։
Ի նշան բողոքի՝ ցուցարարները հարվածում են Ռուսթավելի պողոտայի կողմից տեղադրված մետաղական ցանկապատերին։ Ամբոխը վանկարկում է՝ «ստրուկնե՛ր» և «հեռացի՛ր»՝ դիմելով «Վրացական երազանքի» պատգամավորներին։
Վրաստանի ՆԳՆ-ն հայտարարություն է տարածել՝ զգուշացնելով, որ ցուցարարների կողմից օրենքի բոլոր խախտումներին կհետևի ոստիկանության համապատասխան արձագանքը։ Ցուցարարները չեն նախատեսում ցրվել։ Նրանք հայտարարում են, որ շարունակելու են բողոքի ակցիաները՝ պահանջելով չեղարկել «օտարերկրյա գործակալների» մասին օրենքը։
As the foreign agents bill was passed, people are getting angrier. pic.twitter.com/yu9jfSUyau
— Mariam Nikuradze (@mari_nikuradze) May 14, 2024
