06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ԵԱՀԿ գործող նախագահը Հայաստանին և Ադրբեջանին բովանդային բանակցությունները շարունակելու կոչ է արել
Քաղաքականություն
14.05.2024 | 16:12
ԵԱՀԿ-ն շարունակում է կենտրոնանալ կայուն և համապարփակ խաղաղության համաձայնագրի ձեռքբերման վրա։ Այս մասին Բաքվում Ադրբեջանի ԱԳ նախարար Ջեյհուն Բայրամովի հետ մամուլի ասուլիսի ժամանակ հայտարարել է ԵԱՀԿ գործող նախագահ, Մալթայի արտաքին գործերի, Եվրոպայի և առևտրի նախարար Իեն Բորջը։
Նա ասել է, որ իր նախագահության ընթացքում հաշվի են առնվելու բոլոր այն բացթողումները, որոնք ավելի վաղ արվել են Ադրբեջանի և Հայաստանի միջև հակամարտային իրավիճակի կարգավորման հարցում։
«Ես դրական լուրեր եմ ստանում երկրների ԱԳ նախարարներից և նրանց կոչ եմ անում շարունակել մասնակցել հասուն ու բովանդային բանակցություններին։ Մենք անհամբերությամբ սպասում ենք խաղաղության պայմանագրի ստորագրմանը»,-նշել է Բորջը։
Նա նաև ողջունել է սահմանազատման գործընթացը։
«ԵԱՀԿ-ն ողջունում է սահմանազատման գործընթացի մեկնարկը, և մենք կարծում ենք, որ այդ գործընթացը կշարունակվի առաջիկա ամիսներին։ Երկխոսությունն էական է երկարաժամկետ խաղաղության հասնելու համար»,- ասել է ԵԱՀԿ գործող նախագահը։
