21.07.2026 | 23:30
Էլեկտրամատակարարման ընդհատումներ՝ Երևանում ու մարզերում
Թբիլիսիի Ազատության հրապարակում հատուկ ջոկատայիններ և ջրցան մեքենաներ են կենտրոնացվել
Քաղաքականություն
14.05.2024 | 13:58
Թբիլիսիի Ազատության հրապարակում մոբիլիզացվել են հատուկ ջոկատայիններ և ջրցան մեքենաներ։ Զուգահեռաբար Վրաստանի խորհրդարանի մոտ նախատեսվում է հանրահավաք՝ ընդդեմ «Օտարերկրյա ազդեցության թափանցիկության մասին» օրինագծի։
Մայրաքաղաքի տարբեր բուհերի ուսանողներ պատրաստվում են երթ կազմակերպել դեպի օրենսդիր մարմնի շենք, փոխանցում է Գրուզիա օնլայնը։
Իշխող «Վրացական երազանք»-ի խորհրդարանական մեծամասնությունը նախատեսում է երրորդ ընթերցմամբ քննարկել «Օտարերկրյա ազդեցության թափանցիկության մասին» օրինագիծը և քվեարկությամբ հավանություն տալ խորհրդարանի այսօրվա լիագումար նիստում։ Երրորդ ընթերցումը նախատեսում է միայն տեխնիկական և խմբագրական բովանդակության քննարկում: Դրանով կավարտվի օրինագծի խորհրդարանական քննարկման գործընթացը, և նախագիծը կներկայացվի նախագահի ստորագրմանը։
Հայտնի է, որ նախագահ Սալոմե Զուրաբիշվիլին ծրագրում է վետո կիրառել օրինագծի նկատմամբ։
